أولا : أنا حقيقي مش لاقي أي كلام ممكن أقوله أو كلمة شكر تنفع تعبر عن اللي جوايا لوقوفكم جنبي وسؤالكم عليا ،،، مش لاقي غير إن ربنا يخليكم ليا كل شخص كتبلي وكل شخص تضامن معايا وكل شخص سأل عليا وكل شخص سببت له قلق عليا ،، كل الجنود المجهولة اللي كانت معايا لحظة بلحظة جوه أصدقائي المحامين وأصدقاء حزب الدستور والشباب والبنات اللي كل شوية حد ينزل يطمن عليا ويحاول يدخلي وميعرفش ،، مش عايز أقول أسماء لأني أكيد حنسي ولأن الناس دي مش مستنية ده..!!
ثانيا : اللي حصل معايا
مشهد (1)
معدي الساعة 9 صباحا من قدام كمين في شارع خليل حمادة ومعايا شنطة صغيرة فيها الآي باد اللي معلق إستيكر مكتوب عليه (أنا ضد محاكمة العسكر للمدنيين) قالي لو سمحت الشنطة قولتله إتفضل طبعا شاف الإستيكر قالي إنت إخوان ؟ قولتله لأ ،، قالي أومال إيه اللي مكتوب ده ؟ قولتله أنا مش إخوان وضد العسكر وضد السيسي ومع الحكم المدني ،، قالي إنت عارف يعنى إيه عسكر العسكر دول المرتزقة ،، قولتله إنت عايز تحاسبنى علي قناعاتى وإنتمائي السياسي وبجدية قولتله مش إحنا المفروض في بلد ديموقراطي وفيه حرية رأي وتعبير ،، قالي طيب تعالي معايا وأنا هعرفك حرية الرأي والتعبير
مشهد(2)
أخدنى عند مجموعة من الظباط وحكالهم اللي حصل مع شوية إضافات من عنده الظابط قالي بطاقتك طلعتهاله اخد منى الشنطة والموبايل وكل شئ فتح الشنطة وطلع الآي باد وهنا نزلت الصاعقة عليه ،، إيه ده قولتله أنا ضد محاكمة العسكر للمدنيين قالي إنت أخوان ؟ قولتله لأ ،، قالي كذاب إنت إخوان مردتش عليه ،، فتح الآي باد وجاب الصور لقي صورتى منورة بلافتة مكتوب عليها وزارة الداخلية تعلن عن خدمة إقتلنى شكرا وإسحلنى شكرا وعذبني شكرا وصور وأنا في مظاهرات ،، وكانت المصيبة والطامة الكبري لما شاف صورة ليا وأنا قاعد جنب دكتور البرادعى وبنتكلم وبعدها كام صورة مع شخصيات عامة في مؤتمرات أو ندوات وصور للسيسي ومكتوب عليها ضدك ،، شتم وقل أدبه وأنا قولتله إن أسهل شئ إنى أرد عليك الشتيمة لكن أنا لساني يعف إنى أقول هذه القاذورات وطبعا إستمر في الشتيمة وأنا مردتش عليه ،، فتح التليفون وشاف الرسائل والصورة صعق أكتر وإتغاظ أكتر ،، وقالي إنتم شوية رعاع إنتم شوية خونة قابضين و أمريكا بتمولكم عايزين تدمروا البلد وتخربوها إنتم من مصلحتكم ميبقاش فيه إستقرار لأن التمويول هيقف ،، أنا مردتش عليه إطلاقا وحاول إنه يستفذني لكنى آثرت الصمت ،، وعملى محضر بإني وقفت الساعة 9 صباحا قدام كمين للجيش والشرطة وقولت يسقط يسقط حكم العسكر (لوجدي) وشتمت الجيش والشرطة وان الصور اللي علي الآي باد مسيئة للجيش والشرطة ورحلونى علي قسم المنتزة ،، آه إسم المنتزه ،، فاكرينه طبعا ومن هنا ننتقل للمشهد الثالث
المشهد (3):
رحت قسم المنتزة دخلونى علي رئيس المباحث محمد عزب ،، أول ماشافني إبتسم جدا وقالي أهلا بيك أستاذ صفوان شرفتنا ،، وكلم فى التليفون الظابط اللي لفقلي التهم وقاله عيب ياباشا بتوصيني علي مين ده حبيبي ده كان هنا أيام حكم مرسي وجاله عند القسم 300 واحد وقعدوا يقولولي عايزين ظباط من الصين ظباطنا ......... قاله متقلقش هيتعمل معاه أكبر واجب
بصلي وقالي خلي بقي راجل يجيلي هنا وحتشوف هعمل إيه خلاص زمن الحنية إنتهي ،، قولتله آه إنت بتنتقم قالي طبعااااااااا بنتقم ،، قولتله تبقي تلمس واحد فيهم ،، ولما دخلي السادة المحامين ومعاهم محمود عاطف وهو من خضته عليا عايز يطمن عليا محمد عزب إتلكك له وكان هيحبسه بس الحمد لله ،، محمد عزب قال للمخبرين أستاذ صفوان vip محدش يلمسه أو يقوله كلمة عاملوه بالقانون وبصلي وضحك وقالي إحنا بنمشي بالقانون ودوه آخر زنزانة ودخلت زنزانة الجحيم..!!
حتكلم بعدين عن كل اللي شوفته وكم الظلم الغير طبيعى اللي هناك والمعاملة التى لا ترقي لمعاملة الحيوانات ،، عن 60 بنى آدم حطينهم في زنزانة أقسم بالله العلي العظيم تسع ل 10 الناس بتنام وهي وقافة ولازقة في بعضها وكمان بيناموا في مقبرة بيقولوا إنه اسمه (حمام) اللي بسببه وعلشان مدخلهوش مأكلتش ومشربتش حاجة تقريبا بقالي 3 أيام ،، عن الأطفال اللي محبوسين في المقبرة دي وعمرهم لا يتجاوز 12 سنة متظاهرين وحطينهم مع تجار المخدرات والسارقين والبلطجية وكل الأنواع ،، اللي وأنا مروح قعدوا يعيطوا ويقولولي متسيبناش ياعمو إنت كنت مخلي بالك مننا وبتكلمنا ،، وعن الخلايا الثورية اللي زرعنها جوه وحتطالب بحقوقها ..!!
المصدر : صفحة Safwan Mohamed
ثانيا : اللي حصل معايا
مشهد (1)
معدي الساعة 9 صباحا من قدام كمين في شارع خليل حمادة ومعايا شنطة صغيرة فيها الآي باد اللي معلق إستيكر مكتوب عليه (أنا ضد محاكمة العسكر للمدنيين) قالي لو سمحت الشنطة قولتله إتفضل طبعا شاف الإستيكر قالي إنت إخوان ؟ قولتله لأ ،، قالي أومال إيه اللي مكتوب ده ؟ قولتله أنا مش إخوان وضد العسكر وضد السيسي ومع الحكم المدني ،، قالي إنت عارف يعنى إيه عسكر العسكر دول المرتزقة ،، قولتله إنت عايز تحاسبنى علي قناعاتى وإنتمائي السياسي وبجدية قولتله مش إحنا المفروض في بلد ديموقراطي وفيه حرية رأي وتعبير ،، قالي طيب تعالي معايا وأنا هعرفك حرية الرأي والتعبير
مشهد(2)
أخدنى عند مجموعة من الظباط وحكالهم اللي حصل مع شوية إضافات من عنده الظابط قالي بطاقتك طلعتهاله اخد منى الشنطة والموبايل وكل شئ فتح الشنطة وطلع الآي باد وهنا نزلت الصاعقة عليه ،، إيه ده قولتله أنا ضد محاكمة العسكر للمدنيين قالي إنت أخوان ؟ قولتله لأ ،، قالي كذاب إنت إخوان مردتش عليه ،، فتح الآي باد وجاب الصور لقي صورتى منورة بلافتة مكتوب عليها وزارة الداخلية تعلن عن خدمة إقتلنى شكرا وإسحلنى شكرا وعذبني شكرا وصور وأنا في مظاهرات ،، وكانت المصيبة والطامة الكبري لما شاف صورة ليا وأنا قاعد جنب دكتور البرادعى وبنتكلم وبعدها كام صورة مع شخصيات عامة في مؤتمرات أو ندوات وصور للسيسي ومكتوب عليها ضدك ،، شتم وقل أدبه وأنا قولتله إن أسهل شئ إنى أرد عليك الشتيمة لكن أنا لساني يعف إنى أقول هذه القاذورات وطبعا إستمر في الشتيمة وأنا مردتش عليه ،، فتح التليفون وشاف الرسائل والصورة صعق أكتر وإتغاظ أكتر ،، وقالي إنتم شوية رعاع إنتم شوية خونة قابضين و أمريكا بتمولكم عايزين تدمروا البلد وتخربوها إنتم من مصلحتكم ميبقاش فيه إستقرار لأن التمويول هيقف ،، أنا مردتش عليه إطلاقا وحاول إنه يستفذني لكنى آثرت الصمت ،، وعملى محضر بإني وقفت الساعة 9 صباحا قدام كمين للجيش والشرطة وقولت يسقط يسقط حكم العسكر (لوجدي) وشتمت الجيش والشرطة وان الصور اللي علي الآي باد مسيئة للجيش والشرطة ورحلونى علي قسم المنتزة ،، آه إسم المنتزه ،، فاكرينه طبعا ومن هنا ننتقل للمشهد الثالث
المشهد (3):
رحت قسم المنتزة دخلونى علي رئيس المباحث محمد عزب ،، أول ماشافني إبتسم جدا وقالي أهلا بيك أستاذ صفوان شرفتنا ،، وكلم فى التليفون الظابط اللي لفقلي التهم وقاله عيب ياباشا بتوصيني علي مين ده حبيبي ده كان هنا أيام حكم مرسي وجاله عند القسم 300 واحد وقعدوا يقولولي عايزين ظباط من الصين ظباطنا ......... قاله متقلقش هيتعمل معاه أكبر واجب
بصلي وقالي خلي بقي راجل يجيلي هنا وحتشوف هعمل إيه خلاص زمن الحنية إنتهي ،، قولتله آه إنت بتنتقم قالي طبعااااااااا بنتقم ،، قولتله تبقي تلمس واحد فيهم ،، ولما دخلي السادة المحامين ومعاهم محمود عاطف وهو من خضته عليا عايز يطمن عليا محمد عزب إتلكك له وكان هيحبسه بس الحمد لله ،، محمد عزب قال للمخبرين أستاذ صفوان vip محدش يلمسه أو يقوله كلمة عاملوه بالقانون وبصلي وضحك وقالي إحنا بنمشي بالقانون ودوه آخر زنزانة ودخلت زنزانة الجحيم..!!
حتكلم بعدين عن كل اللي شوفته وكم الظلم الغير طبيعى اللي هناك والمعاملة التى لا ترقي لمعاملة الحيوانات ،، عن 60 بنى آدم حطينهم في زنزانة أقسم بالله العلي العظيم تسع ل 10 الناس بتنام وهي وقافة ولازقة في بعضها وكمان بيناموا في مقبرة بيقولوا إنه اسمه (حمام) اللي بسببه وعلشان مدخلهوش مأكلتش ومشربتش حاجة تقريبا بقالي 3 أيام ،، عن الأطفال اللي محبوسين في المقبرة دي وعمرهم لا يتجاوز 12 سنة متظاهرين وحطينهم مع تجار المخدرات والسارقين والبلطجية وكل الأنواع ،، اللي وأنا مروح قعدوا يعيطوا ويقولولي متسيبناش ياعمو إنت كنت مخلي بالك مننا وبتكلمنا ،، وعن الخلايا الثورية اللي زرعنها جوه وحتطالب بحقوقها ..!!
المصدر : صفحة Safwan Mohamed
تعليق : حقيقى الجيش المصرى مش عسكر ......بس مينفعش كدة؟؟؟؟؟
ليست هناك تعليقات:
إرسال تعليق