أفريقيا هي أغني قارة في العالم كله و شعور سخيف لما الواحد يسافر فيها و يشوف قد إيه كل بلاد العالم المتقدمة (أوروبا و أمريكا و الصين و تركيا و إسرائيل و غيرهم...) بتستثمر في البلاد الأفريقية و واخدة خيرها كله اللي يساوي مليارات المليارات .
و في كل حتة تلاقي الناس بتسألك "إنت مصري؟" و لما تقول آه ... تلاقيهم بحزن بيردوا عليم و يقولوا "إنتم يا مصريين كنتوا بتساعدونا كتير أيام الملك و كانت كل بلاد أفريقيا بتتمني تبقي تحت التاج الملكي المصري عشان الهيبة و التقدم و القوة ... و كان أفضل المدرسين و المهندسين و الأطباء و الممرضات و العلماء و أخصائيين الزراعة و غيرهم كانوا مصريين و بيعلمونا كل الخير .
و لكن فجأة إستكبرتم علينا و بطلتوا تساعدونا و لكن الآية الآن إتقلبت ..."إنتم اللي بقيتم فقراء و مرضي و محتاجين المساعدات من كل حتة و إحنا بلادنا بقت تتقدم و تعلي و تتحسن ... و بكرة إنتم اللي تحتاجونا لأن أجيالنا الجديدة بقت متعلمة أكتر منكم و عندها أحلام كبيرة أوي .
كلام محزن و مهين لكل مصري و لكنه حقيقة... يا تري إمتي حنبقي ملوك و أسياد أفريقيا تاني .
أحمد حجاجوفيتش
ليست هناك تعليقات:
إرسال تعليق