رواية ‫‏عزازيل‬

سيبك من البوكر والجايزة العالمية للرواية العربية و"ماشاء الله" عدد الطبعات ... سيبك من الشهرة العالمية وعدد اللغات اللى اترجمت ليها الرواية...
ركز في الشغل اللى قام بيه الدكتور قبل ما يكتب حرف فيها...
1 ـ وصف الطريق من أخميم للإسكندرية فى القرن الرابع الميلادي، ودي حقبة محدش اتكلم عنها على وجه البسيطة . بنفس الدقة دى.
2 ـ وصف ملابس كل بلد، بل كل محافظة، ووصف شكل السكان فيها، وأكلهم.
3 ـ الدكتور درس لغة يونانية، سوريانية، قبطية... إلخ
4 ـ الدكتور درس وبحث أكتر من إنجيل، أكتر من تفسير، أكتر من لهجة
5 ـ الدكتور زي ما وصف الطريق .. وصف الإسكندرية (بوصة بوصة) ... في الوقت دة، وصف " هيباتيا " وصف دقيق أقرب ما يكون من الحقيقة...
6 ـ وصف أنطاكية وحلب وسرمدة وأماكن كتير ... وصعب وصف الاماكن دي في الزمن دة.. ولكن بالبحث والدراسة المكثفة لا يوجد شيئاً صعبًا...
7 ـ فكرة الرقوق والمترجم ... فكرة صعبة التنفيذ...
8 ـ معرفة ما كان يدور في الكنيسة في زمن خطير كهذا، وصياغته بهذه الصياغة.
9 ـ اللغة الشعرية والصوفية اللي استخدمها الدكتور يوسف.. اتحدى أي كاتب يعرف يكتب بيها... لا أحد يجرؤ على أن يقول أنه يستطيع أن يكتب مثلها...
10 ـ طبعا دراسة أكتر من توراة ... ووصف الأديرة في تلك الحقبة..
وحاجات تانية كتير..
المصدر : صقحة Amir Atef